pushpa movie: 'పుష్ప' సినిమా బాలీవుడ్లో సంచలనం సృష్టించింది. బాలీవుడ్లో ఏ మాత్రం పబ్లిసిటీ లేకుండా రిలీజై దాదాపు రూ.80 కోట్ల మేర వసూళ్లు సాధించింది. దీంతో ఇదే ఊపును కొనసాగించేందుకు మరిన్ని దక్షిణాది సినిమాలో త్వరలో హిందీ ప్రేక్షకుల్ని థియేటర్లలో పలకరించనున్నట్లు తెలుస్తోంది.
మన సినిమాల క్రేజ్.. హిందీలో 'రంగస్థలం'తో పాటు మరిన్ని
బాలీవుడ్ ఆడియెన్స్ దక్షిణాది సినిమాలంటే పడిచచ్చిపోతారు! యూట్యూబ్లో మన డబ్బింగ్ సినిమాల వ్యూస్ చూస్తే ఈ విషయం అర్థమవుతుంది. అలానే ఈ మధ్య 'పుష్ప'తో బన్నీ బంపర్ హిట్ కొట్టారు. దీంతో దక్షిణాదికి చెందిన పలు సినిమాలను నేరుగా ఉత్తరాది థియేటర్లలో రిలీజ్కు ప్లాన్ రెడీ అవుతుంది.
రంగస్థలం
ఇప్పుటికే 'పుష్ప' సినిమాతో బన్నీకి బాలీవుడ్లో విపరీతమైన క్రేజ్ వచ్చింది. దీంతో 'అల వైకుంఠపురములో' హిందీ డబ్బింగ్ వెర్షన్ను జనవరి 26న థియేటర్లలో రిలీజ్ చేయనున్నట్లు నిర్మాణ సంస్థ గోల్డ్మైన్ పిక్చర్స్ వెల్లడించింది.
ఈ సినిమాకు హిందీ ప్రేక్షకుల నుంచి వచ్చే రెస్పాన్స్ బట్టి రామ్చరణ్ రంగస్థలం(ఫిబ్రవరి), విజయ్ మెర్సల్-అదిరింది(మార్చి), అజిత్ 'విశ్వాసం'(ఏప్రిల్) వరుసగా థియేటర్లలోకి రానున్నట్లు తెలుస్తోంది. దీనితో పాటే మరిన్ని దక్షిణాది సినిమాల డబ్బింగ్ వెర్షన్లను థియేటర్లలో రిలీజ్ చేయనున్నారని ప్రముఖ సినీ విశ్లేషకుడు తరణ్ ఆదర్శ్ ట్వీట్ చేశారు.