అల్లు అర్జున్ హీరోగా త్రివిక్రమ్ దర్శకత్వంలో రూపొందిన చిత్రం 'అల వైకుంఠపురములో'. ఈ సినిమా విడుదల తేదీపై కొన్ని రోజులుగా అనుమానాలు రేకెత్తినా ఎట్టకేలకు స్పష్టత వచ్చింది. ముందుగా అనుకున్నట్లుగానే ఈనెల 12న ప్రేక్షకుల ముందుకు రాబోతుందీ చిత్రం. అయితే ఈ తేదీతో బన్నీకి ఓ సెంటిమెంట్ ముడిపడి ఉంది.
'దేశముదురు'గా మారింది ఆరోజే
సరిగ్గా 12 ఏళ్ల క్రితం అంటే.. జనవరి 12, 2007లో విడుదలైంది ' దేశ ముదురు'. అప్పటివరకు గంగోత్రి, ఆర్య, బన్నీ, హ్యాపీలతో అల్లు అర్జున్కు లవర్ బాయ్ ట్యాగ్ ఉండేది. కానీ దేశముదురు ఈ హీరోకు ఒక్కసారిగా స్టార్డమ్ తీసుకొచ్చింది. మాస్ ప్రేక్షకుల్ని బన్నీకి దగ్గర చేసి బ్లాక్బాస్టర్గా నిలిచింది. ఇప్పుడు ఇదే రోజున వస్తోన్న 'అల వైకుంఠపురములో' బాక్సాఫీస్ వద్ద అదే దూకుడు కొనసాగించాలని అర్జున్ అభిమానులు ఆశిస్తున్నారు.