హాలీవుడ్‌ అందాల తార ఏంజెలీనా జోలీ నటిస్తున్న తాజా చిత్రం 'మాలిఫిసెంట్‌: మిస్ట్రన్‌ ఆఫ్‌ ఈవిల్‌'. ఈ సినిమాలో ఏంజెలినా... మాలిఫిసెంట్‌ అనే దుష్టజీవి పాత్రలో నటిస్తోంది. ఇటీవల విడుదలైన ఈ సినిమా ట్రైలర్‌కు ప్రేక్షకుల నుంచి మంచి స్పందన లభించింది. ఇది హిందీలోనూ విడుదల కానుంది. ఏంజెలీనా పాత్రకు బాలీవుడ్ అందాల నాయిక ఐశ్వర్యరాయ్ గాత్రం ఇవ్వనుంది.
తాజాగా ఈ చిత్రానికి సంబంధించిన హిందీ ట్రైలర్‌ను చిత్రబృందం సోషల్‌మీడియా వేదికగా అభిమానులతో పంచుకుంది. ఐశ్వర్యరాయ్ డబ్బింగ్‌తో ఉన్న వీడియో ప్రేక్షకులను ఎంతగానో ఆకట్టుకుంది. అందులో ఐశ్వర్య కనిపించి ఇక నుంచి తనలోని కోపాన్ని, ద్వేషాన్ని చూపిస్తానని కోపంతో చెప్పడం ఆకట్టుకుంటోంది. నల్ల డ్రెస్సులో చాలా అందంగా కనిపించిందీ అందాల సుందరి. వాల్ట్‌ డిస్నీ నిర్మిస్తున్న ఈ చిత్రానికి జోచిమ్‌ రోనింగ్‌ దర్శకత్వం వహించారు. అక్టోబర్‌ 18న ఈ సినిమా ప్రేక్షకుల ముందుకు రానుంది.