'ఇష్క్'.. ప్రేక్షకుల్ని నిరాశపరచదు: తేజ సజ్జా

తేజ సజ్జా, ప్రియా వారియర్ హీరోహీరోయిన్లుగా నటించిన 'ఇష్క్: నాట్ ఏ లవ్​స్టోరీ' సినిమా జులై 30న థియేటర్లలో విడుదల కానుంది. ఈ నేపథ్యంలో ఈటీవీ భారత్​తో ముచ్చటించిన తేజ పలు విషయాలు వెల్లడించాడు.

సినిమాను వినోదంగా భావించే తెలుగు రాష్ట్రాల ప్రజలు తప్పకుండా థియేటర్లకు వచ్చి సినిమాను బతికిస్తారని యువ కథానాయకుడు తేజ సజ్జా ఆశాభావం వ్యక్తం చేశాడు. కరోనా రెండో దశ కారణంగా మూతపడిన థియేటర్లు ఈ నెల 30 నుంచి మళ్లీ సందడిగా మారబోతున్నాయని తేజ తెలిపాడు.

తన తాజా చిత్రం 'ఇష్క్: నాట్ ఏ లవ్ స్టోరీ' ఈ నెల 30న విడుదల అవుతుండటం పట్ల ఆనందం వ్యక్తం చేసిన తేజ.. సూపర్ గుడ్ ఫిలింస్ బ్యానర్​లో 94వ చిత్రంగా తన సినిమా ఉండటం ఎప్పటికీ మరిచిపోలేనని పేర్కొన్నాడు. 'ఇష్క్' మలయాళ చిత్రానికి రీమేకే అయినా ఎక్కడా ప్రేక్షకుల్ని నిరాశ పరచదని తేజ వెల్లడించాడు. అలాగే తన తదుపరి చిత్రం 'హనుమ్యాన్' కోసం భారీగా కసరత్తలు చేస్తున్నట్లు తేజ వివరించాడు.