కరోనా రెండోదశ ప్రభావం తగ్గడం వల్ల షూటింగ్లు తిరిగి మొదలవుతున్నాయి. ఇప్పటికే పలు చిత్రబృందాలు చిత్రీకరణతో బిజీగా మారిపోయాయి. మెగాస్టార్ చిరంజీవి 'ఆచార్య'.. చివరి షెడ్యూల్ కూడా శనివారం తిరిగి ప్రారంభమైంది. 'ధర్మస్థలి తలుపులు తిరిగి తెరుచుకున్నాయి. మేం ఫైనల్ షెడ్యూల్లో ఉన్నాం' అని, త్వరలో ఆసక్తికర అప్డేట్స్ రానున్నాయని 'ఆచార్య' టీమ్ వెల్లడించింది. దీనితోపాటు రామ్చరణ్ కొత్త పోస్టర్ను విడుదల చేసింది.
దేవాలయాల, నక్సలైట్లు నేపథ్య కథాంశంతో 'ఆచార్య' సినిమాను తెరకెక్కిస్తున్న దర్శకుడు కొరటాల శివ. ఇప్పటికే వచ్చిన టీజర్, లుక్స్.. అభిమానుల్ని అలరిస్తూ అంచనాల్ని పెంచేస్తున్నాయి. ప్రస్తుతం ఫైనల్ షెడ్యూల్ అంటే త్వరలో విడుదల తేదీపై స్పష్టత వచ్చే అవకాశమున్నట్లు కనిపిస్తోంది.