హీరో విశాల్ తమిళ దర్శకుడు ఆనంద్ శంకర్ దర్శకత్వంలో ఓ సినిమా చేయనున్నాడని తెలుస్తోంది. దీనికి సంబంధించిన కథనూ ఓకే చేశాడని గుసగుసలు వినిపిస్తున్నాయి. బడ్జెట్ ఎక్కువగా ఉండటం వల్ల నిర్మాత ఎవరనే విషయంలో సందిగ్ధంలో ఉన్నాడట దర్శకుడు.
తాజాగా ఈ చిత్ర నిర్మాణ బాధ్యతలు చేపట్టడానికి వినోద్‌ కుమార్‌ ముందుకు వచ్చాడని సమాచారం. అధికభాగం మలేషియాలో చిత్రీకరణ జరుపుతారని తెలుస్తోంది. ఇందులో ప్రతినాయకుడి పాత్రలో ఆర్య నటించనున్నాడట. విశాల్-ఆర్య గతంలో 'వాడు-వీడు' చిత్రంలో కలిసి నటించారు.