Ranveer singh 83 movie: 1983లో క్రికెట్ ప్రపంచకప్లో భారత్ విజేతగా నిలిచి విజయానికి సరైన నిర్వచనం ఇచ్చిందని అగ్ర కథానాయకుడు అక్కినేని నాగార్జున అన్నారు. ఆ మ్యాచ్ ఇప్పటికీ యువతకు ఎంతో స్ఫూర్తిగా ఉంటుందని చెప్పారు.
1983 వరల్డ్కప్ విజయాన్ని తెరపై ఆవిష్కరిస్తూ కబీర్ ఖాన్ దర్శకత్వంలో రణవీర్ సింగ్ హీరోగా నటించిన '83' చిత్రాన్ని అన్నపూర్ణ స్టూడియోస్ పతాకంపై అక్కినేని నాగార్జున విడుదల చేస్తున్నారు. ఈ చిత్రం శుక్రవారం విడుదల కానున్న సందర్భంగా దర్శకుడు కబీర్ ఖాన్, రణవీర్ సింగ్, నాగార్జున, కపిల్ దేవ్, కృష్ణమాచారి శ్రీకాంత్ హాజరై నాటి జ్ఞాపకాలను గుర్తుచేసుకున్నారు.