83 Movie Delhi: 1983 ప్రపంచకప్‌ విజేత జట్టు సారథి, దిగ్గజ క్రికెటర్ కపిల్ దేవ్‌ జీవిత కథ ఆధారంగా తెరకెక్కిన చిత్రం '83'. కబీర్ఖాన్ దర్శకత్వంలో తెరకెక్కిన ఈ చిత్రంలో కపిల్ పాత్రను రణ్వీర్సింగ్ పోషించగా.. కపిల్ భార్య రోమీ భాటియాగా దీపికా పదుకొణె నటించారు. తాజాగా ఈనెల 24న విడుదల కానున్న ఈ చిత్రంపై ఎలాంటి పన్ను వసూలు చేయకూడదని నిర్ణయించింది దిల్లీ ప్రభుత్వం. ఈ మేరకు మంగళవారం ప్రకటించింది.
దిల్లీ ప్రభుత్వం నిర్ణయంపై చిత్రబృందం హర్షం వ్యక్తం చేసింది. ముఖ్యమంత్రి అరవింద్ కేజ్రీవాల్ సహా ఉపముఖ్యమంత్రి మనీశ్ సిసోడియాకు ధన్యవాదాలు తెలుపుతూ ట్వీట్ చేసింది.