బుల్లితెర వ్యాఖ్యాతగా అందరికీ సుపరిచితుడైన ప్రదీప్ మాచిరాజు హీరోగా నటిస్తున్న తొలి చిత్రం '30రోజుల్లో ప్రేమించటం ఎలా?'. ఫణి ప్రదీప్ దర్శకుడు. యస్‌.వి.బాబు నిర్మించారు. అమృత అయ్యర్‌ కథానాయిక. జనవరి 29న థియేటర్లలో విడుదలవుతోంది. ఈ నేపథ్యంలోనే శనివారం హైదరాబాద్‌లో విలేకర్ల సమావేశం నిర్వహించారు. ఈ సందర్భంగా హీరో ప్రదీప్ మాట్లాడారు.
"నటుడవ్వాలనేది నా కల. అది తీరడానికి పదేళ్లు పట్టింది. మున్నా చెప్పిన కథ.. నా పాత్ర చాలా ఆసక్తికరంగా అనిపించి సినిమా ఒప్పుకొన్నా. సినిమా చూసిన ప్రతిఒక్కరూ చిరునవ్వులతో బయటకొస్తారని మాటిస్తున్నా. అనూప్‌ స్వరాలు, చంద్రబోస్‌ సాహిత్యం, శివేంద్ర విజువల్స్‌ చిత్రానికి ప్రధాన ఆకర్షణ".