షియోమీ నుంచి అదిరే ల్యాప్​టాప్​లు, కొత్త ఫోన్లు

జులైలో వినియోగదారుల కోసం అదిరిపోయే లైనప్​ను రూపొందించింది షియోమీ. భారత్​ మార్కెట్​పై మరింత పట్టు సాధించేందుకు ప్రయత్నిస్తున్న ఈ చైనా సంస్థ.. ఈ నెలలో ల్యాప్​టాప్స్​తో పాటు ఓ స్మార్ట్​ఫోన్​ను విడుదల చేయనున్నట్టు తెలుస్తోంది. మరి ఆ వివరాలు మీరూ చూసేయండి.

చైనాకు చెందిన షియోమీ(Xiaomi).. జోరు పెంచింది. ల్యాప్​టాప్స్​, స్మార్ట్​ఫోన్​ గ్యాడెట్స్​తో వరుసగా లాంచ్​లకు ముహుర్తం పెట్టుకుంది. ఈ నెలలో దేశీయ మార్కెట్​లోకి ఎం​ఐ నోట్​బుక్స్​ తీసుకొచ్చేందుకు ప్రణాళికలు రచిస్తోందని సమాచారం. అటు షియోమీకి చెందిన మరో బ్రాండ్​ రెడ్​మీ(Redmi) కూడా రానున్న వారాల్లో కొత్త లాప్​టాప్స్​తో వినియోగదారులను పలకరించనున్నట్టు తెలుస్తోంది.

ఇప్పటికే అంతర్జాతీయ మార్కెట్​లో అందుబాటులో ఉన్న ఎంఐ లాప్​టాప్​ ప్రో(Mi laptop pro) ఈ నెలలో విడుదలయ్యే అవకాశముంది. అయితే దీనిపై సంస్థ నుంచి ఎలాంటి సమాచారం లేదు.

ఎం​ఐ లాప్​టాప్​ ప్రో 14 ఫీచర్స్​ (Mi laptop pro 14 features)

• 14 అంగుళాల​ డిస్​ప్లే
• ఇంటెల్​ 11 జెనరేషన్​ కోర్​ ప్రాసెసర్​
• జీఫోర్స్​ ఎం​ఎక్స్​ 450 గ్రాఫిక్​ కార్డ్​
• 65డబ్ల్యూహెచ్​ఆర్​ బ్యాటరీ

భారత్​లో గేమింగ్​ లాప్​టాప్స్​ను కూడా విడుదల చేసేందుకు షియోమీ సన్నద్ధమవుతోందని తెలుస్తోంది. ఇది ఎంతవరకు నిజం అనేది తెలియాలంటే కొంతకాలం వేచిచూడాల్సిందే.

రెడ్​మీ నోట్​ 10టీ 5జీ (Xiaomi Redmi Note 10T 5G)

రెడ్​మీ నోట్​ 10 సిరీస్​లో ఈ ఏడాది ఇప్పటికే పలు స్మార్ట్​ఫోన్లను ఆవిష్కరించింది షియోమీ. ఇప్పుడు ఇదే సిరీస్​ నుంచి మరో స్మార్ట్​ఫోన్​ను తీసుకొచ్చేందుకు సిద్ధమైంది. త్వరలోనే రెడ్​మీ నోట్​ 10టీ 5జీ వినియోగదారులకు అందుబాటులో ఉండనుంది. దీనిపై రెడ్​మీ తన అధికారిక ట్విట్టర్​ ఖాతాలో సంకేతాలు కూడా ఇచ్చింది. ఇది రష్యాలో ఇప్పటికే అందుబాటులో ఉంది.

ఫీచర్స్​ (Xiaomi Redmi Note 10T 5G features)

• 6.5 అంగుళాల ఎల్​సీడీ డిస్ల్​ప్లే
• ఆక్టా కోర్​ మీడియాటెక్​ డామెన్సిటీ 700 ప్రాసెసర్​
• 4జీబీ ర్యామ్​- 64జీబీ/ 128జీబీ స్టోరేజీ
• 6జీబీ ర్యామ్​- 128జీబీ స్టోరేజీ
• ఆండ్రాయిడ్​ 11
• వెనకవైపు 48ఎంపీ+ 2ఎంపీ+ 2ఎంపీ కెమెరా
• ధర అంచనా.. సుమారు రూ. 20,550

ఈ ఫోన్​ విడుదలయ్యే అధికార తేదీని సంస్థ ఇంకా ప్రకటించలేదు.

ఇదీ చూడండి:-అదిరిపోయే ఫీచర్లతో ఎంఐ వాచ్​ రివోల్వ్​ యాక్టివ్​