Car parking google maps: గూగుల్ మ్యాప్స్... ఎక్కడికి వెళ్లాలన్నా సరైన దారిని తెలుసుకోవటానికి ఇప్పుడు అంతా దీన్నే వాడుకుంటున్నారు. త్వరగా చేరుకోవటానికి వీలైన దారినీ ఇది చూపిస్తుంది. ఇవే కాదు, దీన్ని ఇతరత్రా పనులకూ ఉపయోగించుకోవచ్చు. ఈసారి మీరు ఎక్కడికైనా వెళ్తున్నప్పుడు గూగుల్ మ్యాప్స్ను మరింత విభిన్నంగా వాడుకోవటానికి ప్రయత్నించి చూడండి.
Google maps hotel search
ఇష్టమైన హోటళ్లను వెతకటం: ఎక్కడికో వెళ్లారు. బాగా ఆకలేస్తోంది. దగ్గర్లో హోటళ్లను గూగుల్ మ్యాప్స్లో వెతికారు. కానీ అక్కడ మనకు ఇష్టమైన ఆహారం ఉంటుందా? దీన్ని తెలుసుకోవటానికి యాప్లో సెటింగ్స్ మార్చుకుంటే పని తేలికైపోతుంది. సెటింగ్స్ ద్వారా 'ఫుడ్ అండ్ డ్రింక్ ప్రిఫరెన్స్'లోకి వెళ్లాలి. డయటరీ మీద క్లిక్ చేయాలి. అందులో శాకాహారం, మాంసాహారం.. ఇలా రకరకాల ఆప్షన్లు కనిపిస్తాయి. వీటిల్లో ఇష్టమైనది ఎంచుకొని సెర్చ్ చేస్తే సరి.