చిన్నా, పెద్దా అంతా ఇష్టంగా తినేది బిర్యానీ. అయితే బిర్యానీ అనగానే నాన్వెజ్ బాగుంటుందని అనుకుంటారు. కానీ అది భ్రమ. వెజ్లో కూడా మంచి టేస్టీగా చేసుకోవచ్చు. అలా చేసుకుని బిర్యానీని (Mixed Vegetable Biryani) తింటే ఎవరైనా 'వహ్వా' అనాల్సిందే. మరి ఇంకెందుకు ఆలస్యం ఈ వంటకం చూసేయండి. వెంటనే చేసేసుకోండి.
కావాల్సిన పదార్థాలు
- యాలకలు
- దాల్చిన చెక్క
- షాజీర
- మరాఠీ మొగ్గ
- లవంగాలు
- నెయ్యి
- బిర్యానీ ఆకు
- ఉల్లిపాయలు
- ఉప్పు సరిపడా
- కొత్తిమేర
- పుదీనా
- జీడిపప్పు
- అల్లం వెల్లుల్లి పేస్ట్
- కాలీఫ్లవర్
- క్యారెట్
- బీన్స్
- పచ్చిమిర్చి
- పచ్చి బాఠాణీ
- బిర్యానీ రైస్
- గరంమసాలా
- పెరుగు
- ధనియాల పొడి
- కారం సరిపడినంత
మిక్స్డ్ వెజిటేబుల్ బిర్యానీ తయారీ విధానం..
ముందుగా ఒక పాన్లో నెయ్యి వేడి చేసుకొని అందులో బిర్యానీ ఆకు, మరాఠిమొగ్గ, ఉల్లిపాయలు, సరిపడా ఉప్పువేసి సన్నగా తరిగిన కొత్తిమేర, పుదీనా వేసి బాగా కలుపుకొని వేగనివ్వాలి. ఆ తరువాత అందులో జీడిపప్పు , అల్లం వెల్లుల్లి పేస్ట్, కాలీఫ్లవర్ ముక్కలు, క్యారెట్ ముక్కలు, బీన్స్ ముక్కలు, పచ్చిమిర్చి, పచ్చి బఠాణీ వేసి బాగా కలుపుకొని మూతపెట్టి 5 నిమిషాలు మగ్గనివ్వాలి. ఆ తరువాత అందులో పెరుగు, గరంమసాలా, ధనియాల పొడి, కారం, సరిపడా నీళ్లు పోసి బాగా కలుపుకొని మూత పెట్టుకొని 5 నిమిషాలు ఉడికించాలి. అంతకు ముందే మరుగుతున్న నీళ్లలో దాల్చిన చెక్క, లవంగాలు, యాలకలు, షాజీర, సరిపడా ఉప్పు, బాస్మతీ బియ్యం వేసి ఉడికించుకోవాలి. ఆ తరువాత మనం ముందుగా ఉడికించుకున్న వెజిటేబుల్ మిశ్రమంలో బాస్మతీ అన్నం పరుచుకొని పై నుంచి కొంచెం నెయ్యి వేసుకొని మూత పెట్టాలి. 15 నుంచి 20 నిమిషాల వరకు మంచిగా మగ్గనిస్తే మిక్స్డ్ వెజిటేబుల్ బిర్యానీ రెడీ.
ఇదీ చూడండి:Parotta making: చిల్లీ పరోటా.. చాలా సింపుల్గా!
