నోరూరించే 'సొరకాయ పకోడి' చేసుకోండిలా..

ఆరోగ్యానికి ఎంతో మేలుచేసే సొరకాయతో ఎప్పుడూ హల్వ, కూరలే కాకుండా కొత్తగా ఏదైనా ట్రై చేయాలనుకుంటున్నారా? ఎప్పుడూ తినే పకోడీలతో బోర్​ కొడుతుందా? అయితే.. ఈ సారి సొరకాయతో నోరూరించే పకోడి ట్రై చేయండి. అదెలా అంటారా? ఇదిగో.. తయారీ విధానం మీకోసం..

చల్లని వాతావరణంలో చాలా మందికి వేడి వేడిగా పకోడిలు తినాలనిపిస్తుంది. ఎప్పటిలా కాకుండా కొత్తగా ట్రై చేయాలనుందా? అయితే.. సొరకాయతో నోరూరించే పకోడి చేసుకోండిలా..

కావాల్సినవి:

• సొరకాయ తురుము- కప్పు
• సెనగపిండి- అరకప్పు
• బియ్యప్పిండి- రెండు టేబుల్‌స్పూన్లు
• ఉప్పు- తగినంత
• కారం- కొద్దిగా
• తరిగిన పచ్చిమిర్చి- రెండు
• అల్లం తురుము - టీస్పూన్‌
• పసుపు- చిటికెడు
• కొత్తిమీర తురుము- కొద్దిగా
• నూనె- వేయించడానికి సరిపడా

తయారీ విధానం:

గిన్నెలో సొరకాయ తురుము, మిగిలిన పదార్థాలన్నింటినీ వేసుకుని కొద్దిగా నీళ్లు పోసుకుంటూ కలపాలి. మిశ్రమం మరీ గట్టిగా, జారుగా ఉండకుండా చూసుకోవాలి. ఇప్పుడు కడాయిలో నూనె పోసి వేడెక్కాక పకోడీలు వేసుకోవాలి.

ఇదీ చదవండి:ఆహా! అనిపించే 'తోటకూర చికెన్​'