'రాగి బెల్లం దోశ'తో ఆరోగ్యం పదిలం!

ఆరోగ్యాన్ని పదిలంగా ఉంచే.. రాగులతో ఎన్నో వెరైటీ వంటకాలు చేయవచ్చు. తరచూ మినప పిండితో వేసే దోశలను.. రాగిపిండితో కూడా చేయవచ్చు. అదెలాగో మీరే చూడండి.

రాగులతో చేసే ఏ వంటకమైనా.. శరీరానికి కావాల్సిన శక్తిని అందించి.. ఆరోగ్యాన్ని పది కాలల పాటు పదిలంగా ఉంచుతుంది. అలాగే చలికాలంలో వచ్చే అలర్జీలకు చెక్​ పెడుతుందని నిపుణులు చెబుతున్నారు. అయితే వీటితో తయారు చేసే ఆహారపదార్థాలను తినడానికి కొందరు అయిష్టత ప్రదర్శిస్తారు. అటువంటి వారికి కాస్త డిఫరెంట్​గా రాగిపిండితో చేసే 'రాగి బెల్లం దోశ' పెట్టేయండిలా..

కావాల్సినవి

రాగిపిండి ఒక కప్పు, బ్రౌన్​రైస్​ పౌడర్​ 2 టీస్పూన్లు, బెల్లం నీళ్లు ఒక కప్పు, పచ్చికొబ్బరి తురుము 2 టీస్పూన్లు, యాలుకలపొడి పావు టీస్పూన్​, నెయ్యి అర టీస్పూన్​, ఉప్పు తగినంత, వాల్​నట్​ 2 టీస్పూన్లు.

తయారు చేసే విధానం

ముందుగా గిన్నెలో రాగిపిండి, బ్రౌన్​రైస్​, కొబ్బరితురుము, ఉప్పు, బెల్లం నీళ్లు వేసి బాగా కలపాలి. అనంతరం పాన్​కు కాస్త నెయ్యి రాసి.. దానిపై కలిపిన రాగిపిండిని దోశలా వేసుకోవాలి. దానిపై వాల్​నట్​పొడిని వేసి ఎర్రగా కాల్చుకోవాలి. అంతే రాగి బెల్లం దోశ రెడీ.

ఇదీ చూడండి:పసందైన 'చికెన్ 65' బిర్యానీ చేద్దామిలా!