వరంగల్లో ప్రియుడిపై ఉన్న మోజుతో తాళికట్టిన భర్తను భార్య హత్య చేయించింది. హత్య చేయించిన ఘటనలో పోలీసులు మొత్తం నలుగురు నిందితులను అరెస్టు చేశారు. పోలీసులు నిందితుల నుంచి ఒక కారు, 4 సెల్ఫోన్లను పోలీసులు స్వాధీనం చేసుకున్నారు. ఈ అరెస్టుకు సంబంధించిన వరంగల్ పోలీస్ కమిషనర్ పి. ప్రమోద్ కుమార్ వివరాలను వెల్లడించారు.
గత జనవరి నెల 24 తేదిన వడ్డేపల్లి ప్రాంతానికి చెందిన తాళ్లపల్లి అనిల్ అనే వ్యక్తి కనబడటం లేదని అతని భార్య పూజిత ఇచ్చిన ఫిర్యాదుపై మిస్సింగ్ కేసుగా హన్మకొండలోని సుబేదారి పోలీసులు కేసు నమోదు చేసుకున్నారు. పోలీసులు దర్యాప్తు నిర్వహిస్తున్న సమయంలో కనబడకుండా పోయిన వ్యక్తి తాళ్లపల్లి అనిల్ గత జనవరి 29న రాయపర్తి మండలం మైలారం రిజర్వాయర్లో శవమై కనిపించాడు. మృతుడి భార్య పూజితపై బంధువులు అనుమానం వ్యక్తం చేయడంతో పోలీసులు ఈ కేసుపై ప్రత్యేక దృష్టిసారించి విచారణ చేపట్టారు. పోలీసుల దర్యాప్తులో మృతుడి మరణానికి కారణం భార్య పూజితతో పాటు, హన్మకొండ డ్యాని, హన్మకొండ సతీష్, కొట్టి సుధామణిలు నిందితులని పోలీసులు నిర్వహించిన విచారణలో తేలింది. సుబేదారి పోలీసులు నిందితులను అరెస్టు చేశారు