పండగ పూట విషాదం... రోడ్డు ప్రమాదంలో ఇద్దరు దుర్మరణం

సంగారెడ్డి జిల్లా మాసన్​ పల్లిలో రోడ్డు ప్రమాదం చోటుచేసుకుంది. గ్రామంలో ఆగి ఉన్న టిప్పర్​ను వెనుక నుంచి ద్విచక్రవాహనం ఢీకొట్టగా.. ఇద్దరు అక్కడికక్కడే మృత్యువాతపడ్డారు. మరొకరు తీవ్రంగా గాయపడగా.. అతన్ని చికిత్స కోసం ఆసుపత్రికి తరలించారు. బాధితులు సిర్గాపూర్​ వాసులుగా గుర్తించారు.

సంగారెడ్డి జిల్లా కల్లేర్​ మండలంలోని మాసన్​ పల్లిలో పండుగపూట విషాదం చోటుచేసుకుంది. మాసన్​ పల్లిలో ఆగి ఉన్న టిప్పర్​ను వెనుకనుంచి ద్విచక్రవాహనం ఢీకొట్టింది. ఈ ఘటనలో ద్విచక్రవాహనంపై ప్రయాణిస్తున్న ముగ్గురిలో ఇద్దరు అక్కడికక్కడే మరణించారు. మరొకరి పరిస్థితి విషమంగా ఉంది.

చనిపోయిన వారు సిర్గాపూర్​కు చెందిన సాయిలు, లచ్చవ్వలు కాగా.. తీవ్రంగా గాయపడింది సంజీవ్​గా గుర్తించారు. అతడిని పోలీసులు నారాయణ ఖేడ్​ ఆసుపత్రికి తరలించారు.

ఇదీ చదవండి:గుర్తుతెలియని వాహనం ఢీకొని ఉద్యోగి మృతి