భద్రాద్రి కొత్తగూడెం జిల్లా అశ్వారావుపేట మండలంలో ముగ్గురు గుత్తికోయ యువతులు అదృశ్యమయ్యారు. 17, 18, 19 ఏళ్ళు ఉన్న ముగ్గురు ఈనెల 16 నుంచి కనిపించకుండా పోయారు. వారిని ఛత్తీస్గఢ్కు చెందిన వంజం దేవా తీసుకెళ్లాడని... బాధిత కుటుంబ సభ్యులు పోలీసులకు ఫిర్యాదు చేశారు.
ముగ్గురు గిరిజన యువతుల అదృశ్యం.. ఎటెళ్లినట్టు, ఏమైనట్టు? - అశ్వారావుపేటలో ముగ్గురు యువతులు అదృశ్యం
అశ్వారావుపేట మండలం మారుమూల అటవీ ప్రాంతంలోని ఓ గ్రామానికి చెందిన ముగ్గురు గుత్తికోయ యువతులు అదృశ్యమయ్యారు. ఛత్తీస్గఢ్కు చెందిన వంజం దేవా వారిని ఈ నెల 16న తీసుకెళ్లాడని కుటుంబ సభ్యులు పోలీసులకు ఫిర్యాదు చేశారు.
అశ్వారావుపేటలో ముగ్గురు గుత్తికోయ యువతులు అదృశ్యం
ముగ్గురిని అశ్వారావుపేట మండలంలోని గాండ్లగూడెంలో ఒక వ్యక్తి ఇంట్లో ఉంచి... మరుసటి రోజు తెల్లవారుజామున దేవా తనతో తీసుకువెళ్లినట్లు ఆ ఇంటి యజమాని తమకు చెప్పారని ఫిర్యాదులో పేర్కొన్నారు. ఆ ముగ్గురు యువతులను తీసుకువెళ్లిన వ్యక్తి ఎవరు..?, అతనికి మావోయిస్టులతో ఏమైనా సంబంధాలు ఉన్నాయా... అనే కోణంలో పోలీసులు దర్యాప్తు చేస్తున్నారు.
ఇదీ చూడండి:బండల లోడు లారీ బోల్తా.. ఇద్దరు మృతి