లక్కీ డ్రా పేరిట.. రూ. 34లక్షలు స్వాహా

లక్కీ డ్రా పేరిట ప్రజలను మోసం చేస్తున్న ఓ ముఠాను నిజామాబాద్​ పోలీసులు పట్టుకున్నారు. నిందితుల నుంచి కొంత నగదును స్వాధీనం చేసుకున్నారు.

నిజామాబాద్ నగరంలో లక్కీ డ్రా పేరిట ప్రజలను మోసం చేస్తున్న ఓ ముఠాను టాస్క్​ఫోర్స్ పోలీసులు పట్టుకున్నారు. ముగ్గురు సంస్థ నిర్వాహకులు.. కేవలం ఒక్క నెలలోనే రూ. 34 లక్షలను సేకరించారని టాస్క్​ఫోర్స్ సీఐ షాకీర్ అలీ వెల్లడించారు.

పోలీసుల కథనం ప్రకారం..

నగరంలోని లతా ఏజెన్సీ నిర్వాహకులు లక్కీ డ్రా పేరిట.. నెలకు కేవలం రూ. 12 వందలు చెల్లిస్తే విలువైన కార్లు, బంగారు ఆభరణాలను సొంతం చేసుకోవచ్చంటూ స్థానికులను నమ్మించారు. ఆ మేరకు ప్రజలను మోసం చేస్తూ.. ఒక్క నెలలోనే రూ. 34 లక్షలను సేకరించారని టాస్క్​ఫోర్స్ సీఐ షాకీర్ అలీ వెల్లడించారు.

ఇదీ చదవండి:పేకాట ఆడుతుండగా గొడవ.. రాయితో కొట్టి హత్య