విశాఖలో నాలుగేళ్ల బాలుడి కిడ్నాప్​ కథ సుఖాంతం!

ఏపీ విశాఖ జిల్లా గాజువాక ఆటోనగర్​లోని బాలుడి కిడ్నాప్​ కథ సుఖాంతమైంది. ఫిర్యాదు అందిన రెండు గంటల్లోనే పోలీసులు కేసుని ఛేదించారు. బాలుడిని వారి తల్లిదండ్రులకు సురక్షితంగా అప్పగించారు. నిందితులను అరెస్టు చేశారు.

ఏపీ విశాఖ గాజువాక ఆటోనగర్‌లో కలకలం రేపిన నాలుగేళ్ల బాలుడి కిడ్నాప్ కథ సుఖాంతమైంది. ఈకేసును పోలీసులు గంటల వ్యవధిలోనే ఛేదించారు.

రాజస్థాన్‌కు చెందిన నరేష్‌ యాదవ్‌.. విశాఖకు వలస వచ్చి పరిశ్రమ నడుపుతున్నారు. ఆటోనగర్​లో శనివారం రాత్రి ఇంటి వద్ద ఆడుకుంటున్న బాలుడిని కొందరు వ్యక్తులు అపహరించారు. విషయం తెలుసుకున్న బాలుడి తండ్రి నరేష్‌ స్థానిక పోలీసులకు ఫిర్యాదు చేశారు. రంగంలోకి దిగిన పోలీసులు ఫోన్ నెట్వర్క్ ద్వారా లొకేషన్​ను గుర్తించి రెండు గంటల్లోనే కేసును ఛేదించారు. వన్ టౌన్ ఏరియాలోని ఓ ఇంటిలో బాలుడిని ఉంచినట్లు కనుగొన్న పోలీసులు... దుండుగుల నుంచి సురక్షితంగా కాపాడారు. కిడ్నాప్ చేసిన ఐదుగురు నిందితులను అరెస్టు చేశారు.

రూ.43 లక్షల అప్పు వ్యవహారమే అపహరణకు దారితీసిందని పోలీసులు భావిస్తున్నారు.

ఇదీ చదవండి:ఈ పట్టుదల ఎందరికో ఆదర్శం.. 62 ఏళ్లలో నీట్ 54వ ర్యాంక్