భద్రాద్రి కొత్తగూడెం జిల్లా అశ్వారావుపేట మండలంలో ఒక గ్రామానికి చెందిన 17 ఏళ్ల బాలికను గంగారం గ్రామానికి చెందిన 21 ఏళ్ల మార్నిల రామకృష్ణ ప్రేమిస్తున్నానని వెంటపడ్డాడు. పెళ్లి చేసుకుంటానని నమ్మబలికాడు. చనువు పెంచుకుని తన శారీరక వాంఛ తీర్చుకున్నాడు. దీంతో ఆ బాలిక గర్భం దాల్చింది. తాను గర్భవతిని అయ్యానని.. త్వరగా పెళ్లి చేసుకుందామని ప్రాధేయపడింది. అందుకు ఆ యువకుడు కాదు పొమ్మన్నాడు.
తన తల్లిదండ్రులకు బాలిక జరిగిన విషయం తెలిపింది. తమ కుమార్తెను పెళ్లి చేసుకోవాలని బాలిక తల్లిదండ్రులు కూడా యవకుడి కాళ్ల వేళ్ల పడ్డారు. అయినా ఆ యువకుడి కఠిన హృదయం కరగలేదు. దీంతో బాలిక పోలీసులను ఆశ్రయించింది. కేసు నమోదు చేసిన వారు దర్యాప్తు ప్రారంభించారు.