వెలుగుల దీపావళి పండగ వేళ ఓ కుటుంబంలో చీకటి నిండింది. ఉత్సాహంగా వెలుగుతున్న ఆ ఇంటి దీపం ఆరిపోయింది. పండగకు బట్టలు కొనుక్కునేందుకు వెళ్లిన ఓ యువకుడు మృత్యువాత పడ్డాడు. హైదరాబాద్ హయత్నగర్కు చెందిన బన్నీ అనే యువకుడు దీపావళి పండుగ కోసం బట్టలు కొనుక్కోవడానికి ద్విచక్రవాహనంపై వెళ్తున్నాడు. ఆటోనగర్ వద్ద ప్రమాదవశాత్తు రెండు ద్విచక్రవాహనాలు ఢీకొన్నాయి. ఈ ప్రమాదంలో బన్నీ రోడ్డు మీద పడిపోయాడు.
పండగకు బట్టలు కొనేందుకు వెళ్లి... అనంతలోకాలకు...
దీపావళి పండగ కోసం బట్టలు కొనుక్కునేందుకు ఉత్సాహంగా వెళ్లిన యువకుడిని లారీ రూపంలో మృత్యువు ఎదురైంది. ప్రమాదవశాత్తు రెండు ద్విచక్రవాహనాలు ఢీకొనటం... యువకుడు రోడ్డుపై పడటం... అదే సమయంలో లారీ రావటం... ఆ యువకునిపై నుంచి దూసుకెళ్లటం... ప్రాణాలు పోవటం.. అంతా చూస్తుండగానే జరిగిపోయింది. ఈ విషాదకర ఘటన హైదరాబాద్ ఆటోనగర్లో జరిగింది.
పండగకు బట్టలు కొనేందుకు వెళ్లి... అనంతలోకాలకు...
అదే సమయంలో లారీ రావటం... బన్నీపై నుంచి దూసుకెళ్లిపోవటం అంతా క్షణాల్లో జరిగిపోయింది. ఈ ప్రమాదంలో బన్నీ అక్కడికక్కడే మృతి చెందాడు. మరొకరికి తీవ్ర గాయాలు కాగా.... ఆస్పత్రికి తరలించారు. కొద్దిసేపు విజయవాడ జాతీయరహదారిపై ట్రాఫిక్జామైంది. విషయం తెలుసుకుని ఘటనా స్థలానికి చేరుకున్న కుటుంబసభ్యులు... విగతజీవిగా రోడ్డుపై పడి ఉండటాన్ని చూసి కన్నీరు మున్నీరుగా విలపించారు. కేసు నమోదు చేసిన పోలీసులు దర్యాప్తు చేస్తున్నారు.