ఏపీకి అక్రమంగా మద్యాన్ని తరలిస్తున్న ఇద్దరు అరెస్ట్​

ఆంధ్రప్రదేశ్​లో విక్రయించేందుకు మద్యాన్ని అక్రమంగా తరలిస్తున్న ఇద్దరు వ్యక్తులను కేపీహెచ్​బీ పోలీసులు అరెస్టు చేశారు. మద్యం బాటిళ్లను, వాహనాన్ని స్వాధీనం చేసుకున్నారు.

ఆంధ్రప్రదేశ్​లో మద్యాన్ని విక్రయించేందుకు తెలంగాణ నుంచి అక్రమంగా తరలిస్తున్న ఇద్దరు వ్యక్తులను కేపీహెచ్​బీ పోలీసులు అరెస్టు చేశారు. గుంటూరు జిల్లాకు చెందిన ముండ్రు శివకృష్ణ(26), దారల గోపి(22) డ్రైవర్లుగా పనిచేస్తూ కూకట్‌పల్లి అడ్డగుట్ట సొసైటీలో నివసిస్తున్నారు. ఏపీలో మద్యం విక్రయించాలన్న ఉద్దేశంతో మహీంద్ర మొరాజో వాహనంలో మద్యాన్ని తరలిస్తున్నట్టు పోలీసులకు సమాచారం అందటంతో అడ్డగుట్ట సొసైటీ రోడ్ నంబర్ 4లో వాహనాల తనిఖీ చేపట్టారు. కారులో మద్యం సీసాలు ఉండటంతో వారిని అరెస్టు చేసారు. వాహనాన్ని సీజ్ చేసి, మద్యం బాటిళ్లని స్వాధీనం చేసుకున్నారు.

ఇదీ చదవండి:దుబ్బాక ఉప ఎన్నికల్లో గెలిచి చరిత్ర సృష్టిస్తాం: ఉత్తమ్​