డిజిటల్ సూక్ష్మ రుణ సంస్థల కేసులో హైదరాబాద్ సైబర్ క్రైం పోలీసుల దర్యాప్తు కొనసాగుతోంది. ఇప్పటికే 17మందిని అరెస్ట్ చేసిన పోలీసులు... వారిని కస్టడీలోకి తీసుకొని వివరాలు సేకరిస్తున్నారు. లాంబో అనే చైనా వ్యక్తి రుణ యాప్లను రూపొందించడంతో పాటు... వాటి ద్వారా రుణాలు ఇచ్చినట్లు పోలీసుల దర్యాప్తులో తేలింది. ఇతనిని ఒక రోజు కస్టడీలోకి తీసుకొని... కొంత సమాచారం సేకరించినట్లు పోలీసులు వెల్లడించారు.
లాంబో చరవాణి, లాప్టాప్, ఐ పాడ్లను స్వాధీనం చేసుకున్న పోలీసులు... వాటిని విశ్లేషిస్తున్నారు. లాంబో పంపిన సందేశాలు, అతనికి వచ్చిన సందేశాలన్నీ చైనా భాషలోనే ఉండడం వల్ల... ఆ భాష తెలిసిన వాళ్ల సాయంతో దర్యాప్తు కొనసాగిస్తున్నారు. లాంబో తన లాప్టాప్ నుంచి కీలక సమాచారం తొలగించినట్లుగా పోలీసులు అనుమానిస్తున్నారు. కంప్యూటర్ నిపుణుల సాయంతో లాప్టాప్లోని మొత్తం సమాచారం పరిశీలిస్తున్నారు. బెంగళూర్లో కాల్ సెంటర్లు నిర్వహిస్తున్న నలుగురిని సైబర్ క్రైం పోలీసులు ఇప్పటికే అరెస్ట్ చేశారు.