బీర్​ బాటిల్​తో కొట్టి హత్య చేసిన భార్య

తమ అక్రమ సంబంధానికి అడ్డు వస్తున్నాడని ప్రియుడితో కలిసి కట్టుకున్న భర్తనే హత్య చేయించింది ఓ భార్య. ఈ దారుణం మహబూబ్​నగర్​ జిల్లా జడ్చర్లలో చోటు చేసుకుంది.

అక్రమ సంబంధానికి అడ్డు వస్తున్నాడని భార్య తన భర్తను హత్య చేసిన సంఘటన మహబూబ్​నగర్ జిల్లా జడ్చర్ల మండలంలో చోటు చేసుకుంది. మహబూబ్​నగర్​లో పారిశుద్ధ్య కార్మికుడిగా పనిచేస్తున్న నరసింహ అనే వ్యక్తి ఈ నెల 3న హత్యకు గురయ్యాడు. అతని మృతదేహాన్ని ఈ నెల 7న పోలీసులు గుర్తించారు. కేసు నమోదు చేసుకుని దర్యాప్తు నిర్వహించగా నిందితులు పట్టుబడ్డారు. గత కొన్ని సంవత్సరాలుగా అక్రమ సంబంధం కొనసాగిస్తున్న లక్ష్మి.. తన ప్రియుడు శేఖర్​తో కలిసి జడ్చర్లలోని జాతీయ రహదారి పక్కన భర్తను హత్య చేసింది. భర్తకు మద్యం తాగించి బీరు బాటిల్​తో తలపై కొట్టి చంపినట్లు డీఎస్పీ తెలిపారు. శనివారం ఉదయం హైదరాబాద్​కు ప్రియుడితో కలిసి పారిపోతుండగా జడ్చర్ల సీఐ బాలరాజు, సిబ్బంది వారిని పట్టుకొని రిమాండ్​కు తరలించారు.

ఇవీ చూడండి: ముగ్గేస్తుండగా 3 తులాల గొలుసు చోరీ