కార్వాన్​లో అగ్ని ప్రమాదం..

బాణసంచా నిల్వ ఉంచిన గదిలో మంటలు చెలరేగిన ఘటన హైదరాబాద్​ కార్వాన్​ ఆర్యసమాజ్​ బస్తీలో జరిగింది. వెంటనే తేరుకున్న స్థానికులు మంటలను ఆర్పివేశారు.

హైదరాబాద్ కార్వాన్ ఆర్య సమాజ్ బస్తీలో నిన్న రాత్రి 11 గంటల సమయంలో ఓ ఇంటి పెంట్ హౌస్​లో నిల్వ ఉంచిన బాణసంచా ఒక్కసారిగా పేలడంతో పెద్ద ఎత్తున మంటలు చెలరేగాయి. గమనించిన స్థానికులు బకెట్లతో నీళ్లు పోసి మంటలను అదుపులోకి తెచ్చారు. ఈ ఘటనలో ఎలాంటి ప్రాణ నష్టం కలగలేదు.

ఆ ఇంటి యజమాని గత ఏడాది బాణసంచా దుకాణం పెట్టి... మిగిలినవి పైన ఉన్న ఖాళీ గదిలో నిల్వ చేశారని స్థానికులు తెలిపారు. ప్రమాదం ఎలా జరిగిందని తెలియాల్సి ఉంది. దీని గురించి పోలీసులకు ఇప్పటివరకు ఎలాంటి సమాచారం లేదు.

ఇదీ చదవండి:రిజిస్ట్రేషన్లు సంబంధిత అంశాలపై నేడు సీఎం సమీక్ష