నీటమునిగిన పంట... ఆవేదనతో రైతు ఆత్మహత్యాయత్నం

ఆరుగాలం పండించిన పంట నీటి మునిగిపోవడంతో... ఆవేదనను తట్టుకోలేకపోయిన రైతు ఆత్మహత్యకు యత్నించాడు. పురుగులమందు తాగేందుకు యత్నించగా... అక్కడున్న వారు అతనిని అడ్డుకున్నారు. ఈ ఘటన పాలకీడు మండలంలో చోటు చేసుకుంది.

సూర్యాపేట జిల్లాలోని పాలకీడు మండలంలోకి పులిచింతల నుంచి వరద నీరు భారీగా వచ్చింది. సుమారు 100 ఎకరాల పంట నీట మునిగిపోయింది. ఆరుగాలం పండించిన పంట... చేతికొచ్చే సమయానికి నీటి పాలైందంటూ రైతులు ఆవేదన వ్యక్తం చేస్తున్నారు. ఈ క్రమంలో ఓ రైతులు పురుగుల మందు తాగేందుకు ప్రయత్నించగా... అక్కడున్న వారు అడ్డుకున్నారు. తమను ప్రభుత్వమే కాపాడాలంటూ విజ్ఞప్తి చేశారు.

ఇదీ చూడండి:నగరంలో ఇప్పటికీ నీటిలోనే కాలనీలు.. అందని తాగునీరు, భోజనం