నకిలీ సాఫ్ట్‌వేర్ కంపెనీ టోకరా.. నిరుద్యోగుల డబ్బులతో పరార్

ఆంధ్రప్రదేేశ్​లోని విజయవాడలో నకిలీ సాఫ్ట్‌వేర్ కంపెనీ బోర్డు తిప్పేసింది. నిరుద్యోగుల నుంచి డబ్బులు వసూలు చేసి పరారైంది. బాధితుల ఫిర్యాదు మేరకు... అరవింద్ సాఫ్ట్ ప్రైవేట్ లిమిటెడ్ కంపెనీపై అజిత్​సింగ్ నగర్ పోలీసులు కేసు నమోదు చేశారు.

ఆంధ్రప్రదేశ్​లోని విజయవాడ నగరంలో నకిలీ సాఫ్ట్‌వేర్ కంపెనీ బోర్డు తిప్పేసింది. అరవింద్ సాఫ్ట్ ప్రైవేట్ లిమిటెడ్ పేరుతో ఓలెక్స్​లో ప్రకటన చూసి మోసపోయిన పలువురు నిరుద్యోగులు... అజిత్​సింగ్​ నగర్ పీఎస్​లో ఫిర్యాదు చేశారు.

ఒక్కొక్కరి నుంచి 10 వేల రూపాయిలు వసూలు చేసి.. కంపెనీ నిర్వాహకుడు పరారయ్యాడని బాధితులు ఆరోపించారు. ఇప్పటివరకు సుమారు ముప్పై మంది మోసపోయినట్లు పోలీసులు గుర్తించారు. పోలీసులు నిర్వాహకుడిని అదుపులోకి తీసుకుని విచారిస్తున్నారు. లాక్​డౌన్ కాలంలో ఇలా మోసపోవటంతో బాధితులు లబోదిబోమంటున్నారు.

ఇదీ చదవండి:'నాకు అన్యాయం జరిగింది... నేను చచ్చిపోతా'