పగ.. పన్నాగం.. డేటింగ్​ వెబ్​సైట్​లో మహిళ వివరాలు

ఇంటి ఎదురుగా ఉండే కుటుంబంతో తలెత్తిన విభేదాల వల్ల కక్ష్య పెంచుకున్న ఓ వ్యక్తి.. ప్రతీకారం తీర్చుకునేందుకు నీచస్థితికి దిగజారాడు. ఆ కుటుంబంలోని మహిళ వివరాలను డేటింగ్ వెబ్​సైట్​లో ఉంచాడు. చివరికి కటకటాలపాలయ్యాడు.

హైదరాబాద్​ బండ్లగూడలోని ఇంద్రప్రస్త కాలనీలో కిరణ్​ అనే వ్యక్తి ఉంటున్నారు. ఇతను ఓ ప్రైవేట్​ ఉద్యోగి. వీరి ఇంటి ఎదురుగా ఉండే వాళ్లతో కిరణ్​కు గొడవ జరిగింది. ఎలాగైనా ప్రతీకారం తీర్చుకోవాలనుకున్న కిరణ్​ ఎదురింటిలోని ఓ మహిళ చరవాణి, ఇతర వివరాలు సేకరించాడు.

ఈ వివరాలను లొకాంటో డేటింగ్ వెబ్​సైట్​లో ఉంచాడు. దీంతో సదరు మహిళకు అసభ్య సందేశాలు వస్తుండటంతో మానసిక ఆందోళనకు గురైంది. ఈ విషయం కుటుంబ సభ్యులకు తెలియటంతో వారు రాచకొండ సైబర్ క్రైం పోలీసులకు ఫిర్యాదు చేశారు. కేసు నమోదు చేసుకొని దర్యాప్తు చేపట్టిన సైబర్ క్రైం పోలీసులు... సాంకేతికత ఆధారంగా నిందితుడి గడ్డంపల్లి కిరణ్​ను గుర్తించి అరెస్ట్ చేసి రిమాండ్​కు తరలించారు.

ఇదీ చదవండి:బీఆర్ఎస్‌పై ఈ నెల 31లోగా నివేదిక ఇవ్వాలి : హైకోర్టు