పంట చేలో రైతుపై ఎలుగుబంటి దాడి

ఎలుగుబంటి దాడిలో ఓ రైతు తీవ్రంగా గాయపడిన ఘటన ఆదిలాబాద్​ జిల్లాలో చోటు చేసుకుంది. రైతు ముఖంపై, శరీరంపై తీవ్రంగా గాయాలయ్యాయి. స్థానికులు అతన్ని రిమ్స్​ ఆస్పత్రికి తరలించారు.

ఆదిలాబాద్ జిల్లా తలమడుగు మండలం నందిగామకు చెందిన గిరిజన రైతు లక్ష్మణ్ ఎలుగుబంటి దాడిలో తీవ్రంగా గాయపడ్డాడు. రోజువారీ పనుల్లో భాగంగా ఈ రోజు ఉదయం పంట చేనుకు వెళ్లిన రైతుపై ఎలుగుబంటి దాడి చేసింది. తీవ్రంగా గాయపడ్డ లక్ష్మణ్​ని స్థానికులు.. ఆదిలాబాద్ రిమ్స్ ఆస్పత్రికి తరలించారు.

ముఖం, శరీరంపై ఎలుగు తీవ్రంగా దాడి చేయడంతో రైతు పరిస్థితి విషమంగా ఉందని వైద్యులు తెలిపారు.

ఇదీ చదవండి:అక్కాతమ్ముళ్ల మధ్య 'ఆస్తి' చిచ్చు...నలుగురికి తీవ్రగాయాలు