అబ్దుల్లాపూర్​మెట్​ ఏటీఎంలో చోరీ.. గ్యాస్​కట్టర్​తో ధ్వంసం

వారం రోజుల్లో ఒకే ప్రాంతంలో రెండు ఏటీఎంలు చోరీకి గురయ్యాయి. పోలీస్​స్టేషన్​కు అతి సమీపంలో ఉన్న ఈ రెండు ఏటీఎంలు చోరీకి గురవ్వడం స్థానికులను ఆశ్చర్యానికి గురిచేస్తోంది. రంగారెడ్డి జిల్లా అబ్దుల్లాపూర్​మెట్​ మండల కేంద్రంలో గురువారం రాత్రి ఈ ఘటన చోటు చేసుకుంది.

రంగారెడ్డి జిల్లా అబ్దుల్లాపూర్​మెట్​ మండల కేంద్రంలోని ఇండిక్యాష్​ ఏటీఎం సెంటర్​లో గురువారం రాత్రి దొంగతనం జరిగింది. గ్యాస్ కట్టర్​తో ఏటీఎంను ధ్వంసం చేసి దుండగులు దొంగతనానికి పాల్పడ్డారు. ఈ ప్రాంతంలో ఏటీఎం దొంగతనం జరగడం ఈ నెలలో ఇది రెండోసారి.

11వ తేదీన స్థానికంగా ఉన్న యూనియన్ బ్యాంకు ఏటీఎంలో చోరీ జరగగా మళ్లీ రాత్రి ఇండిక్యాష్ ఏటీఎంలో దొంగతనం జరిగింది. పోలీసులు.. క్లూస్ టీం, సీసీ కెమెరాలు, డాగ్​స్క్వాడ్​ల సహాయంతో దర్యాప్తు చేస్తున్నారు. నగదు ఎంత డిపాజిట్ చేశారు.. ఎంత పోయిందనేది తెలియాల్సి ఉంది.

ఇదీ చదవండి:ఆడుకుంటానని వెళ్లి అనంత లోకాలకు వెళ్లాడు..