పెట్రోల్ బంకుల్లో జరుగుతున్న అవకతవకలపై తూనికలు కొలతలశాఖ అధికారులు ఉక్కుపాదం మోపుతున్నారు. ఏపీలో రెండో రోజు 25 ప్రాంతాల్లో తనిఖీలు నిర్వహించారు. చిప్ ఉపయోగించి... లీటర్కు 30 నుంచి 40 మిల్లీ లీటర్ల తక్కువ పెట్రోల్‌ను వినియోగదారునికి పోస్తున్న విషయాన్ని గుర్తించామని తూనికలు కొలతలశాఖ ఐజీ కాంతారావు తెలిపారు. పలు జిల్లాల్లో ఈ విధంగా మోసం చేస్తున్న విషయం వెల్లడైందన్నారు. మరిన్ని చోట్ల దాడులు చేసి.. నిందితులపై కఠిన చర్యలు తీసుకుంటామని తెలిపారు.
- చిప్ల ద్వారా పెట్రోలుపై లీటర్కు రూ.2.60పైనే కొల్లగొడుతున్నారు. సగటున రోజుకు 5వేల లీటర్ల పెట్రోలు అమ్మకం జరిగే బంకుల్లో రూ. 13వేలకు పైగానే అక్రమాలకు పాల్పడుతున్నారు.
- రోజుకు 13వేల లీటర్ల డీజిల్ అమ్మకం జరిగే బంకులో రూ. 36వేల వరకు దోచుకుంటున్నారు. మొత్తంగా ఒక్కో బంకులో రోజుకు దాదాపుగా రూ.50వేలకు వరకు దోపిడీ సాగిస్తున్నట్లు అర్థమవుతోంది.