పెళ్లైన మూడు నెలలకే యువకుడి ఆత్మహత్య

ఆంధ్రప్రదేశ్​లోని విశాఖ జిల్లా అప్పన్నపాలెం గ్రామంలో విషాదం చోటుచేసుకుంది. పెళ్లైన మూడు నెలలకే హరీశ్ అనే యువకుడు ఉరివేసుకుని ఆత్మహత్యకు పాల్పడ్డాడు. హరీశ్​ మృతితో అతని భార్య, తల్లి రోధనలు మిన్నంటాయి.

ఆంధ్రప్రదేశ్​లోని విశాఖ జిల్లా పెందుర్తిలోని అప్పన్నపాలెం గ్రామంలో పెళ్లయిన మూడు నెలలకే హరీశ్​ అనే యువకుడు ఆత్మహత్య చేసుకున్నాడు. ఆటో నడుపుకుంటూ జీవనం సాగిస్తున్న హరీశ్​కు మేలో శ్రీకాకుళం జిల్లాకు చెందిన యువతితో వివాహం జరిగింది. ఆశాఢమాసంలో అతని భార్య పుట్టింటికి వెళ్లింది. ఆమెను తీసుకురావటానికి హరీశ్​ తల్లి అప్పయ్యమ్మ శ్రీకాకుళం వెళ్లింది. ఇంట్లో ఎవ్వరు లేకపోవటంతో హరీశ్​ ఉరివేసుకుని ఆత్మహత్యకు పాల్పడ్డాడు.

పెళ్లైన మూడు నెలలకే భర్త చనిపోవడంతో భార్య తీవ్ర విషాదంలో మునిగిపోయింది. తల్లిదండ్రులు లేని ఆమె బంధువులు సంరక్షణలో పెరిగింది. ఇప్పుడు భర్త కూడా దూరమైపోవడంతో ఆమె రోధిస్తున్న తీరు అందిరిని కంటతడి పెట్టిస్తోంది. అసలు హరీశ్​ ఎందుకు ఆత్మహత్య చేసుకున్నాడో తెలియటంలేదని కుటుంబసభ్యులు అంటున్నారు. పోలీసులు కేసు నమోదు చేసి దర్యాప్తు చేపట్టారు.

ఇదీ చదవండి:సమస్యకు పరిష్కారం వెతుక్కున్నారు.. సొంతంగా రోడ్డు నిర్మించారు