సూసైడ్ అంటూ భార్యకు సెల్ఫీ.. ఆ తర్వాత...

భార్యతో గొడవపడ్డాడు. మనస్తాపంతో ఆత్మహత్య చేసుకునేందుకు సిద్ధమయ్యాడు. మెడకు తాడు బిగించుకుని ఫొటో తీసి భార్యకు పంపించాడు. చివరికి పోలీసులు వచ్చి అతడిని అదుపులోకి తీసుకున్నారు. అసలేమైందంటే..

భద్రాద్రి కొత్తగూడెం జిల్లా ఇల్లందు సంజయ్​నగర్​కు చెందిన కేశినేని లక్ష్మణ్​ తన భార్య లావణ్యతో గొడవపడ్డాడు. మనస్తాపానికి గురైన లక్ష్మణ్..​ ఆత్మహత్య చేసుకునేందుకు నిశ్చయించుకున్నాడు. మెడకు తాడు బిగించుకుని భార్యకు సెల్ఫీ ఫొటో పంపించాడు. కంగారు పడిన భార్య లావణ్య వెంటనే పోలీసులను ఆశ్రయించింది.

సెల్​ఫోన్ లొకేషన్ ఆధారంగా లక్ష్మణ్​ను గుర్తించిన పోలీసులు అతడిని అదుపులోకి తీసుకున్నారు. ఈ ఘటనపై విచారణ జరుపుతున్నట్లు సీఐ వేణుచందర్ తెలిపారు.