అఫ్గానిస్థాన్ నుంచి అమెరికా, దాని మిత్రదేశాల బలగాలను ఉపసంహరించుకుంటామని వాషింగ్టన్, కాబూల్ సంయుక్త ప్రకటనలో వెల్లడించాయి. అయితే దోహాలో సంతకం చేయబోయే ఒప్పందానికి తాలిబాన్లు కట్టుబడి ఉంటే.... 14 నెలల్లోనే ఈ ప్రక్రియను పూర్తి చేస్తామని తెలిపాయి.
ఒప్పందంపై సంతకం చేసిన 135 రోజుల్లోపు.. 8,600 బలగాలను తొలి విడతలో తగ్గిస్తామని వెల్లడించాయి. ఆ తర్వాత మిగతా సేనలను 14 నెలల్లోపు ఉపసంహరించుకుంటామని ఈ ప్రకటనలో తెలిపాయి.
ప్రభుత్వంతో చర్చలకు ఒప్పుకోవడం సహా పలు భద్రతా కట్టుబాట్లకు అంగీకరించనందుకు ప్రతిఫలంగా.. 18 ఏళ్లుగా అఫ్గానిస్థాన్‌లో మోహరించిన సైన్యాన్ని దశల వారీగా ఉపసంహరించడం ఈ దోహా ఒప్పందం ప్రధాన ఉద్దేశం.
వేదికకు చేరుకున్న ప్రతినిధులు..
దోహాలో జరుగుతున్న ఒప్పంద కార్యక్రమ వేదికకు రెండు పక్షాలకు చెందిన ప్రతినిధులు చేరుకున్నారు. అమెరికా నుంచి విదేశాంగ మంత్రి మైక్ పాంపియో ఈ ఒప్పందాన్ని పర్యవేక్షిస్తారు. తాలిబన్ సహ వ్యవస్థాపకుడు ముల్లా బరాదార్ హాజరయ్యారు. దోహా ఒప్పందంపై అమెరికా, తాలిబన్లు సంతకం చేశాయి.