ప్రపంచంలో అత్యంత ఖరీదైన గుర్రపు పందేలకు సౌదీ అరేబియా ఆతిథ్యం ఇవ్వనుంది. ఈ వారంలో జరగనున్న పోటీల్లో ప్రతిభ కనబర్చిన వారికి మొత్తం 20 మిలయన్ల డాలర్ల నగదు బహుమతులను అందించనున్నారు. విజేతకు 10 మిలియన్ డాలర్లు, రెండో బహుమతి కింద 3.5 మిలియన్ డాలర్లు ఇవ్వనున్నారు. పదో స్థానంలో నిలిచిన వారికి కూడా ఎంతో కొంత నగదను అందజేయనున్నారు.
1,800 మీటర్ల పందెం..
సౌదీ కప్ ఆధ్వర్యంలో జరిగే ఈ పోటీలకు సుమారు 10 వేల మంది ప్రేక్షకులు హాజరుకానున్నారు. ఈనెల 29న కింగ్ అబ్దుల్ అజీజ్ రేస్ ట్రాక్ వద్ద 1,800 మీటర్ల మేర పందేలు జరగనున్నాయి. సౌదీ కప్ ఆధ్వర్యంలోనే మరో ఏడు రేసులు నిర్వహించనున్నారు. అందులో 9.2 మిలియన్ డాలర్లు బహుమతిగా ఇవ్వనున్నారు.
"దేశీయ గుర్రపు పందెం పోటీలను అంతర్జాతీయ ప్రత్యర్థులతో సమానంగా తీసుకురావడానికి కృషి చేస్తున్నాం. ఇందుకు మొదటి అడుగు వేశాం. సౌదీ అరేబియాలో క్రీడల ప్రాముఖ్యాన్ని పెంచేందుకు, పందెంలో దేశ ప్రత్యేకతను చాటుకోవడానికి ఈ పోటీలను నిర్వహిస్తున్నాం. "