Srilanka President Ranil Vikramsinghe Oath: శ్రీలంక ఎనిమిదో అధ్యక్షుడిగా రణిల్ విక్రమసింఘె (73) గురువారం ప్రమాణ స్వీకారం చేశారు. పార్లమెంటు కాంప్లెక్స్‌లో ఏర్పాటుచేసిన కార్యక్రమంలో ప్రధాన న్యాయమూర్తి జస్టిస్‌ జయంత జయసూర్య సమక్షాన ఆయన ప్రమాణం చేశారు. ఈ సందర్భంగా అక్కడ అత్యంత కట్టుదిట్టమైన భద్రతను ఏర్పాటుచేశారు.
త్రివిధ దళాల అధిపతులు, స్పీకర్‌ మహింద యాప అబేవర్ధన తదితరులు పాల్గొన్నారు. విక్రమసింఘె శుక్రవారం 20-25 మందితో మంత్రివర్గాన్ని ఏర్పాటు చేయనున్నారు. రాజపక్స కుటుంబానికి అత్యంత సన్నిహితుడైన దినేశ్‌ గుణవర్ధన(73) ప్రధానమంత్రి బాధ్యతలు చేపడతారని సంబంధిత వర్గాలు వెల్లడించాయి.