జలియన్వాలా బాగ్పై క్షమాపణకు బ్రిటన్ విపక్షం హామీ
బ్రిటన్ ఎన్నికల్లో భారత్కు చెందిన అంశాలు ప్రధాన అస్త్రాలుగా నిలుస్తున్నాయి. కశ్మీర్ సమస్య, వ్యాపార అంశాలపై ఇప్పటికే బ్రిటన్ నేతలు విస్తృతంగా ప్రసంగిస్తున్నారు. తాజాగా జలియన్వాలా బాగ్ మారణహోమానికి భారత్కు అధికారికంగా క్షమాపణలు చెప్తామని హామీనిచ్చారు విపక్ష లేబర్ పార్టీ నేతలు. ఈ విషయాన్ని గురువారం విడుదల చేసిన పార్టీ మేనిఫెస్టోలో పేర్కొన్నారు.
ఈ ఏడాది.. జలియన్వాలా బాగ్ దురాగతానికి వందేళ్లు నిండిన సందర్భంగా భారత్కు అధికారిక క్షమాపణలు చెప్పడానికి బ్రిటన్ ప్రభుత్వం సిద్ధపడింది. కానీ మాజీ ప్రధాని థెరెసా మే చివరి నిమిషంలో ఈ నిర్ణయాన్ని ఉపసంహరించుకున్నారు.
డిసెంబర్ 12న జరగనున్న ఎన్నికల కోసం 107 పేజీల మేనిఫెస్టోను విడుదల చేశారు లేబర్ పార్టీ నేత జెరెమీ కార్బిన్. దీనికి 'ఇట్స్ టైమ్ ఫర్ రియల్ ఛేంజ్' అని పేరు పెట్టారు.