ప్రిన్స్​ హ్యారీ నిర్ణయం బాధాకరం: ట్రంప్​

బ్రిటన్ ప్రిన్స్​ హ్యారీ, మేఘన్​ దంపతులు తీసుకున్న నిర్ణయంపై విచారం వ్యక్తం చేశారు అమెరికా అధ్యక్షుడు డొనాల్డ్​ ట్రంప్​. బ్రిటన్ రాజ కుటుంబ బాధ్యతల నుంచి వారు తప్పుకోవాలనుకోవడం బాధాకరమన్నారు.

బ్రిటన్ రాజప్రసాదంలో తమకు అప్పగించిన బాధ్యతల నుంచి యువరాజు దంపతులు హ్యారీ, మేఘన్ తప్పుకోవాలనుకోవడంపై ​ స్పందించారు ట్రంప్​. యువరాజు, యువరాణి నిర్ణయం బాధాకరమన్నారు. బ్రిటన్ రాణి ఎలిజబెత్​కు తన విచారాన్ని వ్యక్తం చేశారు. ఫాక్స్​ న్యూస్​కు ఇచ్చిన ఇంటర్వ్యూలో ఆయన ఈ విషయంపై మాట్లాడారు.

" రాణి ఎలిజబెత్ ఎంతో గొప్ప మహిళ. ఆమె ఎప్పుడూ ఏ తప్పూ చేయలేదు. ఆమె హయాంలో మచ్చలేని పాలన సాగిందని నా అభిప్రాయం. నేను ఈ విషయంలోకి పూర్తిగా వెళ్లాలనుకోవట్లేదు. నాకు బ్రిటన్ రాణి పట్ల ఎంతో గౌరవం ఉంది. ఆమె విషయంలోనే ఇలాంటి ​ సంఘటన జరుగుతుందనుకోలేదు. "

- డొనాల్డ్​ ట్రంప్, అమెరికా అధ్యక్షుడు