కరోనా వైరస్‌ కోసం ఆక్స్ఫర్డ్ విశ్వవిద్యాలయం అభివృద్ధి చేస్తున్న టీకా తుది దశకు చేరింది. ఇప్పటివరకు చాలా మంచి ఫలితాలు రావడం వల్ల.. అక్టోబర్లోగా విడుదల చేసేందుకు చకచకా పనులు జరుగుతున్నాయి. ఈ విషయాన్ని జెన్నర్‌ ఇన్‌స్టిట్యూట్‌ డైరెక్టర్‌ ప్రొఫెసర్‌ అడ్రెన్‌ హిల్‌ తెలిపారు. ఆయనే ఈ ప్రాజెక్ట్‌కు నేతృత్వం వహిస్తున్నారు. తాము తయారు చేసిన ChAdOx1 nCoV-19 టీకా చింపాజీలపై మంచి ఫలితాలను చూపిందన్నారు. స్పానిష్‌ సొసైటీ ఆఫ్‌ రూమటాలజీలో నిర్వహించిన వెబినార్‌లో మాట్లాడుతూ ఈ విషయాన్ని వెల్లడించారాయన. ఫలితాలను ఆగస్టు లేదా సెప్టెంబర్‌ నాటికి ప్రకటిస్తామన్నారు. అక్టోబర్ నాటికి మార్కెట్లోకి వస్తుందని వెల్లడించారు.
తుది దశకు ఆక్స్ఫర్డ్ టీకా- అక్టోబర్లో రిలీజ్!
కరోనా మహమ్మారిని అంతమొందించే దిశగా వ్యాక్సిన్ను రూపొందిస్తోంది ఆక్స్ఫర్డ్ యూనివర్శిటీ. ఇప్పటివరకు మంచి ఫలితాలు సాధించిన ఈ టీకా.. ఈ ఏడాది అక్టోబర్ నాటికల్లా విడుదల చేసేందుకు సన్నాహాలు సాగుతున్నాయి.
కరోనా వార్: తుది దశకు ఆక్స్ఫర్డ్ టీకా
ఇప్పటికే ఆస్ట్రాజెనికాతో కలిసి బ్రెజిల్‌లో వాలంటీర్లపై కూడా పరీక్షలు నిర్వహిస్తున్నారు. టీకా రేసులో తొలిసారి తుది దశకు చేరింది కూడా ఆక్స్‌ఫర్డే కావడం విశేషం. తుదిదశలో వాలంటీర్లను సార్స్‌కోవ్‌-2 నుంచి టీకా ఏ మేరకు రక్షణ ఇస్తోందో పరిశీలించనున్నారు. దక్షిణాఫ్రికాలో దాదాపు 2,000 మంది ఈ టీకా ప్రయోగాల్లో పాల్గొన్నారు. ఇక బ్రిటన్‌లో 4,000 మంది నమోదు చేయించుకున్నారు. బ్రిటన్‌లోని బిజినెస్‌ సెక్రటరీ అలోక్‌ వర్మ తొలిసారి కొవిడ్‌-19 టీకా తీసుకొన్న వ్యక్తిగా నిలిచారు. మరోపక్క ఆస్ట్రాజెనికా 30 మిలియన్ల డోసులను వెంటనే మార్కెట్లోకి విడుదల చేసేందుకు సన్నాహాలు చేస్తోంది.