వివిధ దేశాల్లో నిరంకుశత్వంపై ప్రజాగ్రహం!
ప్రపంచవ్యాప్తంగా వేర్వేరు దేశాల్లో ప్రభుత్వాలకు వ్యతిరేకంగా నిరసనలు మిన్నంటాయి. అల్బేనియాలో ప్రధాన మంత్రి ఎడా రామా తక్షణమే వైదొలగి, ఎన్నికలు నిర్వహించాలని ప్రజలు ఆందోళనకు దిగారు. రాజధాని టిరానాలో ప్రధాని కార్యాలయం ఎదుట భారీ ప్రదర్శన నిర్వహించారు. లోపలకు వెళ్లేందుకు ప్రయత్నించారు. వారిని నిలువరించేందుకు భద్రతా సిబ్బంది బాష్పవాయువు గోళాలు ప్రయోగించారు. ఈ ఘర్షణల్లో కొందరు గాయపడ్డారు.
సోషలిస్ట్ పార్టీ నేత, ప్రధాని ఎడీ రామా అవినీతికి పాల్పడ్డారన్నది ప్రతిపక్ష డెమొక్రటిక్ పార్టీ ఆరోపణ.