ఆస్ట్రేలియాలో కార్చిచ్చు.. కోలా బేర్​ మనుగడకు ముప్పు?

ఆస్ట్రేలియా.. కోలా బేర్​ పుట్టినిల్లు. ప్రస్తుతం అక్కడ విస్తరిస్తోన్న కార్చిచ్చు వల్ల వీటి​పై అత్యధికంగా  ప్రభావం పడుతోంది. ఫలితంగా ఈ జాతి మనుగడకు ముప్పు కలిగే ప్రమాదం ఏర్పడింది. తాజాగా న్యూ సౌత్​వేల్స్​లోని సిడ్నీ ప్రాంతంలో శనివారం చెలరేగిన దావాగ్ని వల్ల వేల సంఖ్యలో కోలా బేర్​లు మరణించాయి.

ఆస్ట్రేలియాలో ప్రస్తుతం విస్తరిస్తోన్న కార్చిచ్చు వల్ల అక్కడ జీవించే కోలా బేర్​ జాతికి ప్రాణాపాయ పరిస్థితి ఏర్పడింది. తాజాగా న్యూ సౌత్​వేల్స్​లోని ఉత్తర సిడ్నీ ప్రాంతంలో కార్చిచ్చు చెలరేగడం వల్ల వేల సంఖ్యలో కోలా బేర్​లు​ మరణించాయి. ఈ ప్రాంతంలో అధిక ఉష్ణోగ్రతలు నమోదయ్యాయి.

ప్రస్తుతం అక్కడ దాదాపు 28 వేలకు పైగా కోలా బేర్​లు​ నివసిస్తున్నాయి.... ఇటీవల విస్తరిస్తోన్న కార్చిచ్చు వల్ల వీటి సంఖ్య గణనీయంగా తగ్గుతోంది.

ఇదీ చూడండి : కార్చిచ్చులో మూగజీవి నరకయాతన- కాపాడిన వీరనారి

ఆందోళన వ్యక్తం

ఇటీవల కార్చిచ్చు నుంచి తప్పించుకున్న కోలా బేర్​లు దాహార్తితో నీరు కోసం అలమటిస్తున్నాయి. అటుగా వెళ్లే బాటసారులు వాటికి నీరు అందిస్తోన్న వీడియోలు సామాజిక మాధ్యమాల్లో కనిపిస్తున్నాయి. ఇవి చూసిన నెటిజన్లు చలించిపోయి...అక్కడి పర్యావరణ మంత్రికి మెయిల్స్​ ద్వారా ఆందోళన వ్యక్తం చేశారు.

"ఇప్పటికే 30 శాతం దాకా కోలా బేర్​లు ఆవాసాలు కాలి బూడిదయ్యాయి. దావాగ్ని పరిస్థితి అదుపులోకి రాగానే తదుపరి చర్యలు తీసుకుంటాం."

-సుశాన్​ లి, పర్యావరణ శాఖ మంత్రి

నష్టం

కార్చిచ్చు ధాటికి ఇప్పటికే అక్కడ 5 మిలియన్ల హెక్టార్ల మేర భూమి దగ్ధమైపోయింది. 9 మంది ప్రాణాలు కోల్పోయారు. 1000 ఇళ్లు వరకు ధ్వంసమయ్యాయి.

ఇదీ చూడండి : కార్చిచ్చు: కోలా దాహం తీర్చిన 'నీటి'దాతలు

అత్యయిక పరిస్థితి

న్యూ సౌత్​ వేల్స్​ రాజధాని ఉత్తర సిడ్నీ ప్రాంతంలో శనివారం దావాగ్ని చెలరేగింది. ఉష్ణోగ్రతలు అధిక స్థాయిలో నమోదయ్యాయి. పశ్చిమ శివారు ప్రాంతంలో 41 డిగ్రీలు ఉష్ణోగ్రత తాకగా... నగరంలో 31 డిగ్రీలు నమోదైంది. మరో ఏడు రోజుల వరకు ఈ ఉష్ణోగ్రతలే కొనసాగే అవకాశం ముందని వాతవరణ శాఖ హెచ్చరించింది. ఈ స్థితిని అత్యయిక పరిస్థితిగా అభివర్ణించింది.

ఇదీ చూడండి : బాటిల్​ నీరు గడగడ తాగేసిన కోలా బేర్​!