అఫ్గానిస్థాన్లోని తాలిబన్‌ (Taliban News) సంస్థ కొత్త ఆత్మాహుతి దళాన్ని సిద్ధం చేసింది! దీని పేరు లష్కర్‌-ఎ-మన్సూరీ (మన్సూర్‌ ఆర్మీ) అఫ్గాన్ సరిహద్దుల్లో.. ముఖ్యంగా తజికిస్థాన్, చైనా సరిహద్దుల్లోని బదాక్షన్ ప్రావిన్స్‌లో ఈ దళ సభ్యులను మోహరిస్తారు. ఇందుకు సంబంధించిన వివరాలను బదాక్షన్ గవర్నర్ ముల్లా నిసార్‌ అహ్మద్ అహ్మదీ శనివారం మీడియాకు వెల్లడించారు.
తాలిబన్ల కొత్త ఆత్మాహుతి దళం
తాలిబన్లు (Taliban News) కొత్తగా ఆత్మాహుతి దళాన్ని సిద్ధం చేసినట్లు అఫ్గానిస్థాన్లో బదాక్షన్ ప్రావిన్స్ గవర్నర్ ముల్లా సిసార్ అహ్మద్ అహ్మదీ తెలిపారు. వీరు ముఖ్యంగా చైనా, తజకిస్థాన్ సరిహద్దు ప్రాంతాల్లో విధులు నిర్వహిస్తారని పేర్కొన్నారు.
తాలిబన్ల కొత్త ఆత్మాహుతి దళం
'సరిహద్దుల్లో మోహరించేందుకు తాలిబన్‌ సంస్థ ఈ దళాన్ని సిద్ధం చేసింది. ఇందులో ప్రతి ఒక్కరూ చాలా ధైర్యవంతులు. గత అఫ్గాన్ ప్రభుత్వ సైన్యాన్ని గడగడలాడించిన దళ సభ్యుల మాదిరే వీరూ పనిచేస్తారు. నిజానికి... వీళ్లు లేకుంటే అమెరికా ఓటమి సాధ్యమయ్యేదే కాదు. 'బద్రి+18' పేరుతో మరో బెటాలియన్‌ను కాబుల్‌ విమానాశ్రయం వద్ద మోహరించారు. ఈ దళం వద్ద అత్యాధునిక సైనిక ఆయుధాలు ఉన్నాయి' అని అహ్మదీ వెల్లడించారు.
ఇదీ చూడండి:UK Fuel Crisis: ఇంధన కొరతను తీర్చేందుకు ఆర్మీ రంగంలోకి