తైవాన్లో భూకంపం... 17 మందికి గాయాలు తైవాన్ దేశాన్ని భూకంపం కుదిపేసింది. రిక్టర్ స్కేలుపై తీవ్రత 6.1గా నమోదైనట్లు అమెరికా జియోలాజికల్ సర్వే సంస్థ తెలిపింది. భూకంపం ధాటికి భవనాలు కంపించాయి, ట్రాఫిక్ ఇబ్బందులు ఏర్పడ్డాయి. దేశవ్యాప్తంగా 17 మంది తీవ్రంగా గాయపడ్డారు.
భూకంపంతో తైవాన్ రాజధాని తైపీలో ఆకాశహర్మ్యాల్లోని పాఠశాలల పిల్లలు భయబ్రాంతులకు గురయ్యారు. తరగతి గదుల్లోంచి పరుగులు తీశారు.
యిలాన్, హువాలిన్ మధ్య జాతీయ రహదారిని మూసివేశారు. మధ్యాహ్నం 1గంట సమయంలో సుమారు 33 సెకన్ల పాటు 19 కిలోమీటర్ల మేర భూకంపం సంభవించినట్లు అధికారులు తెలిపారు.
హువాలిన్ ప్రాంతంలో రాళ్లు మీదపడి ఇద్దరు గాయపడ్డారు. ఓ మలేషియా పర్యటకుడు తీవ్రగాయాలపాలయ్యాడు. అతనికి గుండెపోటు కూడా వచ్చిందని అధికారులు తెలిపారు. తైపీ నగరవ్యాప్తంగా ఇంకో 15 మంది గాయపడ్డారు. నగరంలోని దెబ్బతిన్న రెండు భవనాలను ఖాళీ చేయించారు. తైపీ మెట్రోను తాత్కాలికంగా నిలిపేశారు. కొన్ని రైళ్లను రద్దు చేశారు.
హువాలిన్ నగరంలో గతేడాది సంభవించిన భూకంపంలో 17 మంది మరణించారు. సుమారు 300 మంది గాయపడ్డారు.
తైవాన్లో తరుచుగా భూకంపాలు సంభవిస్తుంటాయి. 1999 సెప్టెంబర్లో అత్యధికంగా 7.6 తీవ్రతతో భూకంపం వచ్చింది. గడిచిన దశాబ్ద కాలంలో ఇదే అతిపెద్దది. ఇందులో సుమారు 2400 మంది మరణించారు.
