పుట్టినరోజు పురస్కరించుకొని ప్రధాన మంత్రి నరేంద్ర మోదీకి శుభాకాంక్షలు వెల్లువెత్తాయి. రష్యా, అమెరికా అధ్యక్షులు, భూటాన్ రాజు, శ్రీలంక ప్రధాని, అధ్యక్షుడు సహా పలువురు దేశాధినేతలు ఫోన్ చేసి మోదీకి విష్ చేశారు. ఈ సందర్భంగా ద్వైపాక్షిక సంబంధాలపై చర్చించుకున్నారు.
ఇదీ చూడండి:ఫోన్ చర్చల్లో మోదీ, పుతిన్ స్నేహగీతం
మోదీకి ఫోన్ చేసిన భూటాన్ రాజు జిగ్మే ఖేసర్ వాంగ్చుక్.. ఇరుదేశాల మధ్య సన్నిహిత సంబంధాలు ఇలాగే కొనసాగాలని ఆకాంక్షించారు. భారత్-భూటాన్ మధ్య చక్కటి సాన్నిహిత్యం ఉందని గుర్తుచేసుకున్నారు ఇరువురు నేతలు. ఈ సందర్భంగా.. మంచి సమయం చూసుకొని కుటుంబసమేతంగా భారత్ సందర్శించాలని వాంగ్చుక్ను ఆహ్వానించారు మోదీ.
భారత ప్రధానికి జన్మదిన శుభాకాంక్షలు చెప్పిన శ్రీలంక ప్రధాని మహీంద రాజపక్స, అధ్యక్షుడు గొటబాయ రాజపక్స.. ద్వైపాక్షిక సంబంధాలపై చర్చించారు. ఈ భాగస్వామ్యాన్ని మరింత ముందుకు తీసుకెళ్లాలని ఆకాంక్షించారు. కరోనాపై పోరులోనూ పరస్పర సహకారం ఉండాలని కోరారు.
తనకు పుట్టినరోజు శుభాకాంక్షలు చెప్పిన నేతలకు మోదీ కృతజ్ఞతలు తెలిపారు.