పాకిస్థాన్​లో 10 రోజులపాటు లాక్​డౌన్

కరోనా వ్యాప్తిని అరికట్టేందుకు పాకిస్థాన్ ప్రభుత్వం.. కీలక నిర్ణయం తీసుకుంది. మే 8 నుంచి 10 రోజులపాటు దేశవ్యాప్త లాక్​డౌన్​ విధించింది. శనివారం పాక్​లో 18,794 కేసులు నమోదయ్యాయి. కొత్తగా 120 మందికి పైగా మరణించారు.

పాకిస్థాన్​లో మే 8 నుంచి 10 రోజుల పాటు దేశవ్యాప్త లాక్​డౌన్​ను విధించింది ప్రభుత్వం. కరోనా విజృంభణ నేపథ్యంలో ఈ నిర్ణయం తీసుకున్నట్లు తెలిపింది. మే 8 నుంచి 15 వరకు ఈద్​ సెలవులను ఇదివరకే ప్రకటించింది పాక్ ప్రభుత్వం.

పాక్​లో మూడో వేవ్!

సరైన జాగ్రత్తలు తీసుకోకపోతే.. దేశంలో కేసులు మరింత పెరిగే అవకాశం ఉందని ప్రధాని ప్రత్యేక సలహాదారు డాక్టర్. ఫైజల్ సుల్తాన్​ తెలిపారు. కరోనా మూడో వేవ్​.. పాక్​లో ప్రారంభమైందనే అనుమానాలు వ్యక్తమవుతున్నాయన్నారు. ప్రజలు కొవిడ్​ నిబంధనలు పాటిస్తేనే.. వైరస్​ ఉద్ధృతి తగ్గుతుందన్నారు.

నేపాల్ ప్రధాని​ అత్యవసర సమావేశం

అత్యవసర కేబినెట్ సమావేశానికి నేపాల్ ప్రధాని కేపీ శర్మ ఓలీ ఆదేశించారు. శనివారం సాయంత్రం ఆయన అధికార నివాసంలో భేటీ అయ్యారు. కొవిడ్ సంక్షోభంపై చర్చించనున్నట్లు సమాచారం.

ఓలీ శర్మ నేతృత్వంలోని సీపీఎన్​-యూఎంఎల్​ ప్రభుత్వం పార్లమెంట్​లో మెజారిటీ కోల్పోయిన తర్వాత ఈ సమావేశం జరగనుండటం ప్రాధాన్యం సంతరించుకుంది.

ఇదీ చదవండి :ఈయూ కౌన్సిల్​ భేటీకి వర్చువల్​గా మోదీ హాజరు