సౌర కుటుంబం ఏర్పడిన 50మిలియన్ సంవత్సరాల తర్వాత చంద్రమండలం ఏర్పడిందని సరికొత్త పరిశోధనలో తేలింది. ఇప్పటివరకు శాస్త్రవేత్తలు అంచనా వేసిన వయసుకన్నా ఎన్నో ఏళ్లు ఎక్కువ వయసు ఉంటుందని వారు కనుగొన్నారు.
తాజాగా జర్మనీలోని కలోన్ విశ్వవిద్యాలయంలో జరిగిన పరిశోధనా ఫలితాల ప్రకారం దాదాపు 4.56 బిలియన్ ఏళ్ల క్రితమే చందమామ ఏర్పడినట్లు ఆధారాలున్నాయని తెలిసింది. ఇది వరకు సౌర కుటుంబం ఏర్పడ్డ 150 ఏళ్ల తర్వాతే చందమామ ఏర్పడిందని అంతా అనుకున్నారు. అయితే... సౌర కుటుంబం ఏర్పడిన 50 మిలియన్ ఏళ్లకే జాబిల్లి రూపుదాల్చిందని శాస్త్రవేత్తలు తాజాగా స్పష్టం చేశారు.
1969లో చంద్రుడిపై అడుగుపెట్టిన అపోలో మిషన్ బృందం 21.55కిలోల నమూనాలను భూమికి పట్టుకురాగా ఇప్పటికీ వాటిపై పరిశోధనలు జరుగుతున్నాయి.
"వివిధ కాలాల్లో ఏర్పడిన రాళ్లలోని రకరకాల రసాయన గుణాలను పోల్చిచూడడం ద్వారా చంద్రుడి అంతర్భాగం, ఘన పదార్థంగా మారిన తీరుకు సంబంధించిన అశాలు తెలుస్తాయి."
-రావుల్ ఫొన్సెకా, పరిశోధకుడు.