ప్రపంచంలోనే అత్యంత ఖరీదైన పీత.. ధరెంతో తెలుసా?

ప్రపంచంలోనే అత్యంత ఖరీదైన పీత గురించి విన్నారా? జపాన్​లో ఓ పీతను వేలంపాట వేయగా రికార్డు స్థాయిలో అమ్ముడుపోయింది. అంతేకాదు ఈ పీత ప్రపంచ గిన్నిస్​​​ రికార్డుల్లోనూ చోటు సంపాదించుకునే అవకాశం ఉందట!

జపాన్​ టోక్యోలో శీతా కాలంలో దొరికే మంచు పీతలకు డిమాండ్​ చాలా ఎక్కువ. సముద్రంలో లభించే వీటిని ఎంతో రుచికరంగా తింటారు స్థానికులు. జాలర్లు ఈ పీతలను వేలంపాట ద్వారా విక్రయిస్తారు. పశ్చిమ జపాన్​లోని టొట్టోరి ప్రాంతంలో ఓ మంచు పీతను వేలంపాట వేయగా.. స్థానిక రెస్టారెంట్​ నిర్వహకుడు రూ. 32,62,067 చెల్లించి దీనిని కొనుగోలు చేశాడు.

ప్రపంచంలోనే ఇది అత్యంత ఖరీదైన పీతగా రికార్డులకెక్కనుంది. ప్రపంచ గిన్నిస్​ రికార్డుల్లోనూ చోటు సంపాదించుకున్నే అవకాశాలు ఉన్నాయని అధికారులు తెలిపారు. ఇది 1.2 కేజీల బరువు, 14.6 సెంటీమీటర్ల పొడవు ఉంది.

ఇదీ చూడండి : అసోంలో 'ఏనుగుల' పంట పండిస్తున్న దంపతులు