ఉత్సవాలు కాదు... ఉద్యమాలు

అంతర్జాతీయ మహిళా దినోత్సవం సందర్భంగా ఫిలిప్పీన్స్, దక్షిణ కొరియా దేశాల్లో మహిళలు... హక్కుల కోసం ఉద్యమించారు.

ఫిలిప్పీన్స్​ రాజధాని మనీలాలో మహిళలు నిరసన ర్యాలీ చేపట్టారు. అంతర్జాతీయ మహిళా దినోత్సవం సందర్భంగా హక్కుల సాధనకై గళం విప్పారు.

దేశాధ్యక్షుడు రోడ్రిగో డ్యురెట్​ ప్రభుత్వ విధానాలపై నిరసన వ్యక్తం చేశారు. సైనిక పాలనకు వ్యతిరేకంగా నినాదాలు చేశారు. అధ్యక్షుడు రోడ్రిగో మహిళా హక్కులను గౌరవించాలని డిమాండ్ చేశారు.

దక్షిణ కొరియా సియోల్​లో అంతర్జాతీయ మహిళా దినోత్సవం సందర్భంగా కళాశాల విద్యార్థులు ర్యాలీ నిర్వహించారు. మహిళలకు మరిన్ని హక్కులు కల్పించాలని, వారిని సరైన రక్షణ కల్పించాలని డిమాండ్​ చేశారు.