తుపాను​ ధాటికి జపాను అతలాకుతలం

తుపాను ధాటికి జపాన్​ అతలాకుతలమైంది. పౌరుల్ని కాపాడేందుకు ప్రభుత్వ యంత్రాంగం సహాయక చర్యలు చేపట్టింది. తుపాను తాకిడికి 84 ఏళ్ల వృద్ధుడు మృతి చెందగా, 34 మంది గాయాలపాలయ్యారు.

జపాన్​లో కుండపోతగా వర్షాలు కురుస్తున్నాయి. కొండచరియలు విరిగిపడటం, వరద ప్రవాహం ఎక్కువయ్యే అవకాశం ఉండటం వలన దాదాపు 4.30 లక్షల మంది పౌరులను అధికారులు సురక్షిత ప్రాంతాలకు తరలిస్తున్నారు. తుపాను తీవ్రత దృష్ట్యా విద్యాసంస్థలు, పాఠశాలలకు ​సెలవుల్ని ప్రకటించింది ప్రభుత్వం. ప్రస్తుతం జపాన్​ రాజధాని టోక్యోకు 600 కి.మీ. దూరంలో తుపాను కేంద్రీకృతమై ఉంది.

గురువారం వీచిన ప్రచండ గాలులకు వందలాది చెట్లు నేలకూలాయి. పలు చోట్ల విద్యుత్​ సరఫరాకు తీవ్ర అంతరాయం ఏర్పడింది. వరద ప్రవాహానికి రోడ్లన్నీ జలమయమయ్యాయి. దాదాపు 800 విమానాల రాకపోకలు నిలిచిపోయాయి.

ఇదీ చూడండి: 'కశ్మీర్'​పై నేడు ఐరాసలో రహస్య చర్చలు?