చాలాకాలంగా సైన్స్‌ కాల్పనిక సాహిత్యానికే పరిమితమైన 'ఎగిరే కార్లు' వాస్తవ రూపంలోకి రాబోతున్నాయి. వీటిని సాకారం చేసేందుకు దశాబ్దాలుగా చేస్తున్న ప్రయత్నాలు ఫలిస్తున్నాయి. జపాన్కు చెందిన ఓ సంస్థ.. తాజాగా ఒక ఫ్లయింగ్‌ కారును విజయవంతంగా గాల్లో నడిపింది. స్కై డ్రైవ్ అనే సంస్థ ఈ వాహనాన్ని రూపొందించింది. ఒక వ్యక్తితో దీన్ని గగనవిహారం చేయించింది.
స్క్రైడ్రైవ్ సంస్థ రూపొందించిన ఎగిరే కారు
2023 నాటికి..
నాజూకైన మోటారు సైకిల్‌లా కనిపించే ఈ వాహనం.. ప్రొపెల్లర్ల సాయంతో నేల నుంచి 1-2 మీటర్ల మేర గాల్లోకి లేచింది. నాలుగు నిమిషాల పాటు విహరించింది. 2023 నాటికి ఫ్లయింగ్‌ కారు వాస్తవ రూపంలోకి వస్తుందని స్కైడ్రైవ్‌ అధిపతి తోమోహిరో ఫుకుజావా ఆశాభావం వ్యక్తంచేశారు. అయితే దాన్ని సురక్షితంగా తీర్చిదిద్దడం చాలా కీలకమని ఆయన అంగీకరించారు.